AlMiGa
D’Gäert vun de Mineuren a Schmelzaarbechter am Süde vu Lëtzebuerg
De Projet ënnersicht d’Kultur an d’Bedeitung vun de Schrebergäert fir d’Aarbechterklass, de sozialen Zesummenhalt an d’Biodiversitéit an de Gemenge vum Minett vun hirer Entsteeung bis haut.
Equipe
Minett UNESCO Biosphere Yann Logelin
Minett UNESCO Biosphere Charlotte Heldenstein
Historiker Daniel Richter
An Zesummenaarbecht mat:
Dauer vum Projet
December 2024 – December 2025
De Projet AlMiGa (Al MinettsGäert) ënnersicht d’Kultur an d’Bedeitung vun de Schrebergäert fir d’Aarbechterklass, de sozialen Zesummenhalt an d’Biodiversitéit an de Gemenge vum Minett vun hirer Entsteeung bis haut.
Mat der Industrialiséierung am Süde vu Lëtzebuerg sinn déi kleng Dierfer laanscht déi franséisch Grenz schnell zu Stied gewuess. D’Aarbechter an de Minnen a Schmelze vun der Regioun hunn dacks a klenge Wunnengen oder Aarbechterhaiser ouni eegene Gaart gelieft.
Séier sinn an de Gemengen, déi haut d‘UNESCO-Biosphärereservat Minett bilden, déi éischt Gaardekolonien a Veräiner, déi sech ëm d’Verwaltung vun dësen Anlage gekëmmert hunn, entstanen. Dës Gaardenanlagen a Veräiner bestinn deelweis nach haut.
Zil vum Projet ass et, hir Roll fir d’Entwécklung vun der Regioun, fir d’Multikulturalitéit vun der Gesellschaft a fir d’Biodiversitéit ze analyséieren an ze dokumentéieren.
