Eis Fuerschung beschäftegt sech mat de villfältegen Auswierkunge vun der Deindustrialiséierung an der lëtzebuergescher Stolindustrie. Dem Nicolas säi Projet befaasst sech mat der ARBED an der Iwwernam vun der Maxhütte Unterwellenborn am Joer 1992. Et gëtt ënnersicht wei déi verschidden Acteuren un der Ëmwandlung vum Betrib bedeelegt waren a weien Afloss si op d’Strategien an d’ Strukturen haten.  

Dem Zoé säi Projet ënnersicht d’Auswierkunge vun der Deindustrialiséierung an den Industriestied Diddeleng, Esch a Rodange, andeem op Schléissunge vu Schmelzen, d’wirtschaftlech Folgen, d’urban Verännerungen an d’lokal Reaktioune gekuckt gëtt. Dat erméiglecht Abléck an d’Komplexitéit vun der Deindustrialiséierung op lokalem Niveau. Zesummegeholl beliichte béid Projeten déifgräifend Verännerungen, déi d’Stolindustrie zu Lëtzebuerg säit den 1970er Jore beaflosst hunn.